نوکری (100 لفظوں کی کہانی)

چائے پیتے ہوئے میں نے دوست سے پوچھا۔ تمہارا پچھلا سال کیسا گزرا ! یقینا بہت ہی اچھا، اس سے اچھا سال زندگی میں کبھی نہیں گزرا۔ کیوں کیا خاص وجہ تھی ؟ میں نے پوچھا ۔ دوست نے بتایا ۔ نوکری کی تلاش تھی وہ مل گئی۔ دوسروں سے پیسے لے کر پڑھائی کر رہا تھا۔ اب پڑھ کر دوسروں کو بھی پڑھا رہا ہوں ۔ ایسی کیا بات تھی! میں نے حیرانی سے پوچھا ۔ دوست نے کہا کسی بزرگ نے مجھے کہا تھا ۔ نیا کام کرنے سے پہلے ۔۔۔ اپنی والدہ کا چہرا محبت سے دیکھنا۔ دعا قبول ہوگی۔